Sa fry-in cancer risk tisang

Sa kan ro (fry) hian a kan ro loh aiin cancer risk a let hnihin a tisang zawk niin mithiam ten an sawi. Mithiam ten zirchianna an neih atanga an hmuh dan chuan sa kan ro-a tlema a ut deuh bik lai awm hian intestinal tumor risk a let hnihin tisang niin an sawi. Intestine chu kan thil ei te kan pumpui atanga a chhuah lehna ril hi a ni mai awm e.
Sa kan ro leh hem hmin ten cancer risk an tihsanna chhan ni a an sawi chu, sa kan fry emaw grill emaw hian temperature sang takin kan chhuang a, chu chuan cancer siam thei compound food mutagens an tih mai chu a rawn siam ta thin a ni.
He compound hi HCAs an ti a, cancer siam thei niin, sa-a a hmaa awm lo pawh kha temperature sang taka kan chhuan/hem chuan sa-ah khan ama tawkin a rawn insiam ta mai thin a ni.
Norwegian Institute of Public Health-a scientist te chuan chaichim-ah mihring enzyme dahin, sa kan ro-in a taksaa hna a thawh dan en enfiah a, cancer risk hi a 31-80% in a tisang thei tih an hmuchhuak ta niin an insawi.
He zirchianna chungchang hi Daily Express chanchinbu-ah tihchhuah a ni.