Lady Gaga leh Bruno Mars ‘Die With a Smile’ a lar thar leh

Lady Gaga leh Bruno Mars ‘Die With a Smile’ a lar thar leh
Lady Gaga leh Bruno Mars hla hit ‘Die With a Smile’ chu kar khat chhunga khawvel huapa hla lar ber niin, Billboard Global 200 chart-ah No.2 atangin No.1 a rawn kai thar leh ta a, he chart-ah hian a zawn ni lovin kar kua a No.1 tling ta a ni.
Billboard Global 200 chart hi kar khat chhunga khawvel huapa hla lar dan niin, chart ranking siam nan hian kar khat chhunga khawvel ram hrang hrang 200 chuanga official-only stream (ad-supported & subscription video music services) leh sales data te chu tehna pawimawh a ni.
‘Die With a Smile’ hian stream maktaduai 131.1 leh sales 16,000 nei lehin, No.2 atangin No.1 a kai leh ta a ni. He hla avang hian Gaga leh Mars ten Grammy-ah khan best pop duogroup performance an dawng a, hei hian an hla hi hralh a tikal thar leh deuh a nih hmel khawp mai.
ROSE leh Bruno Mars ‘APT.’ chu No.1 atangin No.2-ah a tawlh a, he hla pawh hi a zawn lovin chart-ah hian kar 12 a No.1 tawh a ni. Chart No.1 hlui Bad Bunny ‘DtMF’ chu No.3-ah bawk a la awm a, chart No.1 hlui tho Billie Eilish ‘Birds of a Feather’ chu No.7 atangin No.4 a kai thar leh a, Lola Young ‘Messy’ chu No.5-ah bawk a la awm.
Cart top 10-a lang thar hla pahnih awmin, The Weeknd ‘Cry for Me’ chuan stream maktaduai 51 kaiin, No.7-ah a debut a, Lady Gaga ‘Abracadabra’ pawhin stream maktaduai 47.7 neiin, No.10-ah a debut bawk.
Billboard Global 200 Top 10:
1 Die With A Smile – Lady Gaga & Bruno Mars
2 APT. – ROSE & Bruno Mars
3 DTMF – Bad Bunny
4 Birds Of A Feather – Billie Eilish
5 Messy – Lola Young
6 Baile Inolvidable – Bad Bunny
7 Cry For Me – The Weeknd
8 Timeless – The Weeknd & Playboi Carti
9 That’s So True – Gracie Abrams
10 Abracadabra – Lady Gaga