Sai dam rei Vatsala GWR a siam thei ang em?

Madhya Pradesh-a sai pakhat Vatsala an tih chu kum 100 chuang a upa a ni tawh a, sai dam kum nawlpui, kum 60-70 a pel thui tawh hle a, Guinness World Record a siam thei dawn ni a ngaiin forest lama thuneitu ten an buaipui mek a ni.
Forest official-te chuan Vatsala kum hi an thlithlai reng a, lab test chi hrang hrang an tih hnuah a kum an chhut chhuah chu kum 100 chuang a ni a, hei hian official-te pawh a tiphur hle a ni.
Vatsala hi Bori Wildlife Sanctuary-a an dah hnuah pawh kum 22 a awm tawh a, he sanctuary hi Hoshangabad, Madhya Pradesh a awm a, sanctuary-a an dah dawn hian kum 50 chuang a ni tawh niin an hria a, mahse, lab test chi hrang hrang an tih hnuah he sai hi kum 100 chuang a ni tawh tih an hre chhuak ta a ni.
Forest official-te hian Guinness World Records lam be pawpin an document neih hrang hrang te an thawn tawh a, tunah chuan GWR hian an pawmpui dawn em tih an nghak ta mek a ni.