SAI inelnaah Mizoram
Hri len avanga kum thum lai chawlh a nih hnuah ram pum huap SAI naupang Inelna lian ber All India Inter SAI Taekwondo Championship chu ni 24-26 February 2023 hian Delhi-ah neih a ni dawn. SAI inelna lian hmachhawn tur hian Mizoram atangin infiammi pariat an fehchhuak.
Mizoram aiawh tur hian Aizawl leh Lunglei SAI zirlai awm te an tel. Mizoram tana fehchhuak player te hi pariat niin, mipa pa sarih leh hmeichhia pakhat an ni a, SAI Coach G.Veera in a hruai.
He Championship-a Gold medalist te hi World Taekwondo headquarters, Seoul, South Korea-ah Special Training nei turin South Korean hnuaia mi Korean Culture Centre (KCC) ten an thlang dawn a ni.
-- Advertisement --
Mizoram aiawha khel te:
1) Lalnunpuia, Aizawl SAI Senior Under 58 Kg
2) Benjamin Lalroliana Lunglei SAI Senior Under 68 kg
3) Stephen Lalhminghlua Aizawl SAI Junior Under 74 kg
4) Vanrohlua Lunglei SAI Junior Under 63 kg
5) Hmingchhuanmawia Lunglei SAI Cadet Under 49 kg
6 )Marcus Lalruatpuia Lunglei SAI Cadet Under 49 kg
7) Liansangpuia Lunglei SAI Junior Under 48 kg
8) Stella Lalmuanpuii, Aizawl SAI Junior Over 63
9) Ramdingliani NCOE Bangalore, Under 45kg