Pathianni zan dan 10:00 khian English Carabao Cup final 2023 khelh a ni dawn a. Khelmual ropui Wembley Stadium-ah Manchester United leh Newcastle United ten champion an inchuh dawn. Sir Alex Ferguson chhuah hnua inelna liana champion harsat United chu champion tura rinkai zawk niin, trophy an hnaih viaua ngaih a ni.
Manchester United hi tunhnaiah an khel tha a, inelna hrang hrangah hmah an sawnzia a hmuh theih. EPL-ah thumnaahah an awm mek a, an chunga awm thin Newcastle hi an lehpel fel hle tawh. EPL-ah champion beiseina sang tak an nei thar leh a. Europa League-ah FA Cup-ah an la dawm a, League Cup final an thleng tawh bawk. United hian inelna an hmahchawn hnuhnung ber ningani zan khan La Liga a hmahruai mektu Barcelona an hneh a, Europa League last 16 an lu.
Old Trafford-ah Barcelona an hneh vangin Red Devils hian inrintawkna sang zawk an nei ngei dawn. Hetihlai hian an khingpuite aia unbuatsaihna hun an neih chhiat zawk vangin Ninga zana Barcelona an hmachhawn hian a chhe zawngin nghawng a nei hlaih thei bawk. Newcastle United hi team hahdam zawk an nih vangin chak theihna hun tha an nei ve tho bawk.
Khelmual ropui Wembley-ah United leh Newcastle hian inkhel hmuhnawm an lantir ngei tura ngaih a nio.
United tan trophy a hnai
Get real time updates directly on you device, subscribe now.
Prev Post
Next Post