Saipum kawng khar dawn

Kolasib district-a N Hlimen leh Saipum kawng inkar chu siamthat a nih avangin January 8-30 chhung khar a ni dawn.
Kolasib addl. SP-in dan tlawhchhan hmanga mipui hriattirna a tihchhuahah N Hlimen leh Saipum inkar kawng hi PCC hmangin siam a ni dawn a, kawng a lo tlo zawknan leh hna chak taka thawh a nih theihnan January 8 – 30 chhungin helai kawng hi khar tur a ni a, hemi hun chhung hian lirthei eng chi mah kal phal a ni lo tih a sawi.
He thupek zawm lo chu 177 & 179 MV Act hmanga hrem an nih tur thu a sawi a. Thupek hian tul bik thila police, Fire & Emergency Services, ambulance leh magistrate-te chetvelna erawh a huam lo tih a sawi.