NGO Coordination Committee huaihawta Mizorama rel kawng siam belh zel tum chungchanga inrawnkhawmnaah a tam zawkin Sairang thleng bak rel luh tir rih loh an duh.
Inrawnkhawmnaa pawl aiawha sawm zingah environmental NGO leh sumdawng pawl lam chuan rel hi Sairang thleng felfai takin rawn lut phawt se, a that leh that loh hriat hnu ah muangchangin hmathar lak leh an duh tih an sawi a. Political party lamah BJP tih loh political party dang chuan Sairang thleng rel kaltir rih phawt an duh. MNF party erawhin he inrawnkhawmnaah hian aiawh an tir lo.
Mizoramah Bairabi atanga Sairang thleng rel kawng siam mek a ni a. Sawrkar laipui chuan Sairang to Hmawngbuchhuah hi ruahmanna a siam leh tawh a ni. NGO Coordination Committee chairman Lalhmachhuana chuan, rel kawng kal zel turah sawrkarin mipui ngaihdan a la anga, mipui ngaihdan anga kal a ni ang, tiin, state sawrkarin thu a dah a. Hei vang hian mipui huapzau thei tur nia ngaiin an inkokhawm tih a sawi.
Sawihona atang hian NGOCC chuan ngaihdan a siam dawn a, pawl leh mimal rawn tur awmte a rawn anga, chumi hnu ah rel kawng chungchanga mipui ngaihdan chu Mizoram sawrkarah a thehlut dawn tih NGOCC hruaitute chuan an sawi a ni.
Sairang thleng bak rel luh tir loh duh
Get real time updates directly on you device, subscribe now.