Sales Tax a\anga sum hmuh tlahniam

Mizoram sum hnar pawimawh pakhat Sales Tax a\anga sum hmuh a tlahniam duai a, August thlaa sum hmuhin July thlaa sum hmuh a zat lohna chu Rs 58,74,79,760 a tling.
Pawisa kum kal lai 2026-2027 hi 2026 April-ah a intan a, thla nga chhungin Sales Tax atanga sum hmuh hi a sang zawngin a kal rih lo; thla khatna April-a sum hmuh a la tam ber.
August thlaah khan Sales Tax atangin Rs 4,01,58,490 hmuh a ni a, July-ah Rs 62,76,38,250 hmuh a ni. A inthlauhna hi Rs 58,74,79,760 a tling a, August thlaa sum hmuh aiin a tam, June thlaa sum hmuh ai pawhin a tam.
April-ah khan Rs 63,00,84,730 hmuh a ni a, hei hi kum kal laia sum hmuh tam ber thla a la ni. May-ah a tlahniam nghal a, June-ah pawh May-a sum hmuh aia tlem a lut. July-ah a kang a, mahse April-a sum hmuh a pha chuang lo. August-ah a tlahniam leh duai a, August thla hi kum kal laia sum hmuh tlem ber thla a ni.
Sales Tax hi Mizoram sum hnar pawimawh a tling a, kum kal laiah pawh chhiah atanga sum hmuh tam ber dawttuna a ni.
2026-27 thla nga (2026 April atanga August) chhungin chhiah atanga sum hmuhah GST-a sum lut a tam ber a, Sales Tax atanga sum hmuhin a dawt. GST leh Sales Tax atanga sum hmuh hi thla nga chhung hian a la pung lo ve ve.
Taxation department hnuaia chhiah chi hrang hrang atanga sum lut zat pawh thla nga chhungin a la pung lo a, a thla khatna April kha sum hmuh tam berna a la ni.
Sales Tax a\anga sum lut
April-ah Rs 63,00,84,730
May-ah Rs 11,36,38,518
June-ah Rs 4,04,71,136
July-ah Rs 62,76,38,250
August-ah Rs 4,01,58,490
Total Rs 1,45,18,29,742