Sam enkawl dana kan tihfuh loh \hin te

Beauty industry hi a kum telin a thang chak hle mai a, skincare leh sam enkawlna chi hrang hrang pawh a chhuak hnem tawh, hetihrual hian kan sam kan enkawl danah tha tura kan ngaih, kan rin anga tha si lo a awm niin Times of India health section-in an tarlang a, kan rawn chhuah chhawng e.
1. Sam tawi hi a tunlaiin, mi a tilang naupang deuh zawk ni a ngaihna kan nei thin, mahse, hei hi a dik ziktluak lo tlat. Sam a tawi chuan a tuak a langsar duh a, chutiangin kum a lo upat deuh hian sam tawi aiin a sei kan nalhpui zawk tlat.
2. Sam rawng tihdanglam nasat lutuk hian sam a tichhiain, sam a ti upa hma duh. A changin kan tisen a, a changin kan tidum a, a changin kan tibuang leh a, hetiang vela sam kan sawisak nasat lutuk hian a hmanraw tha hmang ni a kan inngaih lai pawhin sam a tiupa chak duh.
3. Kan kum a lo tam telh telh ang bawkin sam pawh a lo upat ve tial tial thin tih hi kan ngaihtuahnaah a awm lo fo. Kan vun te chu kum a lo tamin a lo chuarin a upatna a lo lang mai a, sam erawh a danglam dan kan hmu thiam lo thin. Kum a lo upat chuan sam tihchak lehzual nan vitamin- biotin leh viviscal te kan mamawh thin. Hei hian sam than a pein, a tichak ve thin a, chuvangin kum a lo upat deuh chuan vun tana supplement te kan ei a kan enkawl thin ang bawkin sam pawh enkawl ve tur a ni.