Samagra hnuaia CSS thawkte show cause notice hmu hnai

zoram sawrkar hnuaia thawkten thil phut neia sawrkar hotute an nawr meknaah Samagra Shiksha-a thawk, September 16-a sit-in demonstration-a telte chu show cause notice pek tum mek an ni.
Samagra Shiksha Mizoram state project director-in hriattirna a tihchhuahah, September 16-a All Mizoram CSS Employees Coordination Committee huaihawt sit-in demonstration-a Samagra Shiksha Mizoram hnuaia thawk zingah tel ve an awm chuan, sawrkar school-a thawkte chu headmaster-in; DPO leh BRC-a thawk leh CRCC-a thawk chu DPC-in show cause notice pe turin a ti a. BRCC-a regular employee an nihnaah chuan an block chhunga Samagra School headmaster awm lohnaa thawkte hnenah show cause notice pe turin a ti. BRCC hi Samagra Shiksha employee an nih chuan, chu’ng school-a thawkte hnenah chuan DPC-in notice hi pe turin a ti a ni.
Show cause notice hi September 17 ralhmaa pe vek tura tiin, a chhanna hi September 19 ralhmaa thehluh tir turin a hriattir a ni.