Samsung Galaxy Z Fold 5 leh Galaxy Z Flip 5 an tlangzarh

On Jul 28, 2023 12 0

Samsung chuan Nilaini kalta khan Seoul, South Korea-a Galaxy Unpacked event neihah Samsung Galaxy Z Fold 5 leh Galaxy Z Flip 5 smartphone te an tlangzarh a, hetihrual hian Galaxy Watch 6 series leh Galaxy Tab S9 series te pawh an tlangzarh nghal bawk.
Samsung Galaxy Z Fold 5 hi 12 GB RAM + 256GB storage chu India-ah Rs 1,54,999 man a ni a, 12GB RAM + 512GB storage chu Rs 1,64,999 man niin, 12GB RAM + 1TB storage chu Rs 1,84,999 man a ni ve thung. Galaxy Z Flip 5 hi 8GB RAM + 256GB storage chu Rs 99,999 man niin, 8GB RAM + 512GB storage chu Rs 1,09,999 man a ni ve thung. Heng smartphone chi hnih te hi pre-order a tih theih tawh a, August ni 11 atangin an hralh chhuak tan ang.
Galaxy Z Fold 5:
Samsung Galaxy Z Fold hi dual-SIM niin, Android 13 based One UI 5.1.1 a hmang a, kum 4 chhung OS upgrade leh kum 5 chhung security upgrade theih tur a ni. 7.6-inch QXGA+ (2176×1812 pixels) Dynamic AMOLED 2X Infinity Flex Display neiin, 1Hz – 120Hz refresh rate neiin, 734ppi pixel density leh 12.6:18 aspect ratio a nei bawk. Hei bakah hian external 6.2-inch fullHD+ (2316×904 pixels) Dynamic AMOLED 2X Display a nei tel a, 48Hz – 120Hz refresh rate, 412ppi pixel density leh 23.1:9 aspect ratio a nei bawk.
A hnungah camera pathum- 50-megapixel wide-angle camera (dual pixel autofocus, opitcal image stabilisation, f/1.8 aprture), 12-megapixel ultra-wide-angle camera (f/2.2 aperture) leh 10-megapixel telephoto camera (f/2.4 aperture, phase detection autofocus) neiin, a cover display-ah 10-megapixel camera (f/2.2 aperture) a nei tel a, hei bakah hian a chhunglam screen-ah 4-megapixel under-display camera (f/1.8 aperture) a nei bawk.
Connectivity-ah chuan 5G, 4G LTE, Wi-Fi 6E leh Bluetooth 5.3 a support a, sensor hrang hrang a neih zingah accelerometer, barometer, gyroscope, compass, a proximity sensor, leh ambient sensor neiin, a pangah fingerprint sensor a nei bawk. 4400mAh battery neiin, 25W adapter neiin, minute 30 chhungin a battery 50% a charge hman niin an chhal a, Fast Wireless Charging 2.0 leh Wireless PowerShare a support bawk. Water resistance atan IPX8 rating a nei a, he phone hi thleh laiin 67.1×154.9×13.4mm a lian a ni a, kaihpharh laiin 129.9×154.9×6.1mm a lian niin, gram 253 a rit a ni.
Samsung Galaxy Z Flip 5:
Galaxy Z Flip 5 hi dual-SIM niin, Android 13 leh OneUI 5.1.1 a support a, Armor Aluminium frame neiin, 6.7-inch fullHD+ (1080×2640 pixels) Dynamic AMOLED 2X Infinity Flex inner display neiin, 120Hz refresh rate leh 22:9 aspect ratio neiin, hei bakah hian 3.4-inch Super AMOLED folder-shaped cover display 720×748 pixels resolution a nei tel a, 60Hz refresh rate leh 306ppi pixel density neiin, a display leh a hnunglam panel hi Corning Gorilla Glass Victus 2 a thuam a ni.
Galaxy Z Flip 5 hian a hnungah camera pahnih- 12-megapixel ultra-wide primary sensor (f/2.2 lens, 123-degree field of view) leh 12-megapixel wide-angle camera (dual pixel autofocus, f/1.8 lens, 83-degree field of view, optical image stabilisation) a nei a, selfie leh video call atan a folding display chhip-ah 10-megapixel selfie camera (f/2/2 lens, 85-degree field of view) a nei bawk.
Connectivity-ah chuan 5G, 4G LTE, Wi-Fi 6E, Bluetooth 5.3, GPS/A-GPS, NFC, USB Type-C port a support a, water resistance atan IPX8 rated a ni a, sensor hrang hrang a neih zingah accelerometer, barometer, gyro sensor, geomagnetic sensor, hall sensor, proximity sensor, leh light sensor a nei a, a pangah fingerprint sensor a nei bawk.
3700mAh battery neiin, 25W fast charging a support a, a battery hi minute 30 chhungin 50% a charge hman niin an chhal a, Fast Wireless Charging 2.0 leh Wireless PowerShare a support bawk. He smartphone hi thleh laiin 71.9×165.1×6.9mm a lian niin, kaihpharh laiin 71.9 x 85.1 x 15.1mm a lian a ni ve thung.