Sangha dil siamtute tan insurance tih dan zirtir

National Fisheries Development Board leh Fisheries Department Mamit tangdun buatsaihin Ningani khan Darlak-ah Aquaculture Insurance Awareness Campaign neih a ni.
Khuarel chhiatna avanga tuikhuah chhia leh sangha dam lohna hrang hrang avanga sangha chanten an tuikhuah leh sangha an insure ve theih dan tur inzirtir a ni a. National Fisheries Development Board leh Aquaculture Insurance Company atangin online hmanga zirtir a ni a. Tuikhuah nei mi 50 an tel.
Ningani vek khan PMMKSSY Insurance Division, National Fisheries Development Board huaihawt hian Khawzawl-ah pawh sangha dil siamtute hnenah online training neih a ni a, Khawzawl district fisheries development officer Zomuansangi’n a ho a ni.
PMMKSSY hnuaiah hian sangha dil siamtute tan sangha chi, a chaw, enkawlna, labour senso, dil laihna man leh khuarel chhiatnaah aquaculture insurance chi hrang hrang a awm a ni.