National Football Championship for Hero Santosh Trophy an tih, a tawi zawnga Santosh Trophy tih thinah kum 54 hnua a vawikhatna atan Karnataka an champion.
India rama state-level national football competi-tion ngaihhlut hlawhah hian hmarchhak team Meghalaya chuan kum-inah final lutin, Inrinni khan Riyadh khawpuia champion zawnna in-khelah beiseina sang tak nen khelmual lut mah se South Indian team lakah 2-3-in an tlawm a, kum 1968-69 hnu lama Kar-nataka champion leh vawikhatna a nih bakah belhkhawma an vawinga champion-na a ni a; San-tosh Trophy an lak hma-sak pali kha kum 1973 hma lama an hming My-sore tih hming pu chunga sualchhuah niin, kum 1975-76 khan runners-up an ni tawh bawk.
King Fahd Interna-tional Stadium-ah Kar-nataka tan M Sunil Kumar (third minute), Bekey Oram (20th) leh Robin Yadav (44th)-te’n goal khungin, a vawi-khatna’na final khel Meghalaya tan Bro-lington Warlarpih (eighth minute) leh Sheen Sohktung (60th)-te’n tilut ve bawk mah se an duhthusam result hawn turin a tawk zo lo.
Inrinni vek khan inkhel hmasa lamah pathumna an chuh a, sihnih faia Punjab hnehtu Services an chak.
Santosh Trophy hnehtu Karnataka
Get real time updates directly on you device, subscribe now.
Prev Post
Next Post