Sauce thak eiin record siam
Nova Scotia a cheng, Mike Jack chuan Heatwave Hot Sauce Expo, Centennial Hall-a neihah Inrinni kalta khan minute thum chhungin sauce thak tha zet mai kg 1.495 a ei zo hman a, Guinness World Records a siam. A hmaa hetiang record chu minute thum chhunga sauce thak kg 1.18 ei thei a ni.
Mike Jack hian a hmain hetiang record hi a lo siam tawh bawk a, a record hmasa chu minute thum chhunga kg 1.12 niin, hei hi midangin an kg 1.18-in an rawn khum a, tunah kg 1.495-in a rawn khum ve leh ta a ni.
Jack hi hot sauce brand hrang hrang zuara eizawng a ni sa ve reng reng bawk a, hmun hrang hrangah zinkualin, show leh festival-ah te a tel a, YouTube leh social media hrang hrangah a inzuar reng bawk.
Tuna a record siamah hian Guinness guidelines-ah chuan sauce chu bowl-ah dah tur a ni a, bowl chu kuta khawih loh tur niin, thirfiantein hawp tur a ni.
Mike Jack hi Guinness World Records-ah a mikhual tawh lo hle a, record 19 siam tawhin, a record siamte hi a dangdai thei hlawm viau mai a, chung zingah chuan ‘kut tel lova balhla ei zo rang,’ ‘tomato sauce litre khat in zo rang,’ leh ‘minute khata almond ei tam thei,’ record te pawh a tel a, khawvel hmarcha thak lar Carolina Reapers leh Ghost Peppers ei-ah te pawh record a lo siam taw bawk a ni.
Sauce thak eiin record siam
Get real time updates directly on you device, subscribe now.