Sawhthing sawngbawl turcompany pali dilna pawm

Sawhthing sawngbawl tur
company pali dilna pawm
Empowered Committee on Investment chu an chairman, chief minister Lalduhoma hoin Thawhtanni khan an thukhawm a. Mizorama sawhthing processing unit din duh, dilna thehlut zinga company pali dilna an pawm.
Company an pawmte hi – Sjar Consulting Private Limited, Noida Uttar Pradesh. An ni hian anmahni sum vaibelchhe 38 thleng invest theiin an insawi a, mi 200 aia tam chhawr thei turin an inngai.
Opickpure Organic Pvt Ltd. Kangra Himachal Pradesh. An hian an sum, vbch. 2.5 senga bul tan theiin an insawi a, hnathawktu mi 50 vel thlenga chhawr thei turah an inngai a ni.
AV Biotech, Bikaner Rajasthan. Vbch. 13.95 vel invest an inhuam a, mi 100 vel chhawr thei turin an inngai
Lushai Organic, Mizoram. Vbch. 1 vel invest an inhuam a, mi 20 vel chhawr thei turin an inngai an ni.
Heng company-te inbun tur chungchang hi tih fel kim a la ni lo deuh a, rang zawka thutlukna siam a nih theihnan Special Investment Committee din niin, an ni hian company-te be chungin an inbunna tur hmun, draft MoU, company-ten sawrkara mamawh an neih – ram, power leh tui chungchang thlengin an bawhzui ang.