Sawi hlawh Puja Khedkar ko let

Puja Khedkar, probationary IAS officer a thuneihna leh chanvo hmang suala puh chu Lal Bahadur Shastri Academy of Administration, Mussourie-ah koh let niin a training pawh chhunzawm tir rih loh a ni. Khedkar hi a tira post a nihna Pune atangin Washim-ah sawn hmasak phawt a ni a, civil service a luh theih nan disability leh OBC certificate dik lo taka neia puh a ni bawk.
A chungthu ngaihtuah zui zel a nih theih nan kohlet niin, “District Trainiing Programme of the State Government of Maharashtra atangin chawlh tir i ni” tiin General Administration Department thuchhuah chuan a tarlang a. A rang thei ang bera Academy zawm tura tih niin July 23 hma ngeia zawm tura tih a ni zui a ni.
Academy hian IAS cadre civil servant te bakah central civil services Group-A te foundational course a pe thin bawk.
Puja Khedkar-i’n Union Public Service Commission (UPSC) hnena certificate hrang hrang a theh luh zingah pakhat chu khawhmuh fiah lo visual impairment niin chu chu chhuichian mek a ni bawk.
Khedkar hian a hma in certificate pahnih Adhmednagar District Civil hospital-in kum 2018 leh 2021-a a pek chhuah te Persons with Benchmark Disabilities (PwBD) category a nihna chu UPSC ah a lo thehlut tawh a. Mahse, UPSC chuan Delhi a All India Institute of Medical Science ah medical check-up an neih tir a, April leh August 2022 khan appointment an siamsak paruk lai a thulh a ni.
Chumi hnuah August 2022 khan Pune a Aundh government hospital atangin disability certificate a dil leh a, mahse medical test neih tir a nih hnuah hnawlsak a ni thung.
2023-batch IAS officer Ahmednagar chhuak hian a laka ‘media trial’ kalpui meka sawiah misinformation campaign tuartu a ni tiin a insawi bawk.
Pune-a assistant collector a nihna atangin Washim-ah supernumeray assistant collector niin sawn a ni a. Hetia sawn a nihna chhan pawh trainee official a nihna anga a entitled ni hauh lo perks leh facilities te a ngiat vang a ni.
A private Audi car ah red beacon leh ‘Government of Maharashtra’ sticker a tar tia puh a ni a. Chu mai bakah a awm loh hlanin Pune Additional Collector Ajay More office chu a hmang tih a ni bawk a. Office furniture te nuaiboin letterheads leh VIP number plate te a ngiat tia puh a ni bawk a. Chumai bakah chenna in leh car ngiat bawkin chu chu junior officer te hnenah 24 monghs hma-in pek an ni ngai lo.
Kar kalta khan union government chuan one-member committee dinin chu chuan kar hnih chhungin Kehdkar chungchang report tura tih a ni.
OBC non-creamy layer hmanga civil services appointment Khedkar-in a hmuhah zawhna a tam a. Pune RTI activist Vijay Kumbhar chuan Khedkar-i pa chuan asset Rs 40 crore chuang a nei a ti a. Family income kum khata Rs 8 lakh chin neite chu ‘creammy layer’ a chhiar niin reservation benefits an nei thei lo.
Khedkar chuan expert committee te hnenah a insawifiah tur thu sawiin committee thutlukna chu a pawm tur thu a sawi zui a. “Committee hmaah ka sawifiah ang a, thudik a lang mai ang” tiin a sawi.