Sawrkar sponsor MBBS-te chungah khauh turin ngen

Sawrkar sponsor MBBS-te
chungah khauh turin ngen
Sawrkarin MBBS an zirnaa a puihten an intiamna anga sawrkar hnuaia thawk tha leh duh si lo te chungah na action la turin Mizo Students’ Union chuan Health minister an ngen.
MSU Gen. Hqrs hruaitute hian Nilaini khan Health & FW bakah Social Welfare minister Lalrinpuii hmu in, Mizoram sawrkarin state quota-a MBBS zir tura a sponsor-ten an intiamna anga sawrkar hnuaia an thawh tur hun chhung an thawk tha leh duhlo thin chu pawi an tih thu an thlen a. Hetianga mahni thutiam hlen tha duhlo an awm thin chu na taka action la turin an ngen.
Naupangten Aganwadi Centre-a eitur an dawn thin chu hun kal tawhah sawisel a hlawh thin avangin, a hrisel leh ei tlak chauh naupangten an dawn theihnan supplier thlan kawngah fimkhur turin an ngen a. PHC leh CHC ten an huam chinah a theih anga school kalchilh a, naupangte hriselna endik sak an nih theihnan ruahmanna siampui turin an ngen bawk.
MSU hruaitute chuan ruihhlo do kawnga Social Welfare department hnathawh chu tha an tih avangin minister hi lawmthu an hrilh a. MSU-in thalaite tichhetu ruihhlo do kawnga awareness a neih turah thawhhopuiah an sawm a ni.