School Graduation Day hmang Ruihhlo laka fihlim turin chah

Helen Lowry Higher Secondary School chuan Thawhlehni khan Graduation Commencement Program tum 26-na an hmang a. Hmanpuitu Youth Services minister Lalnghinglova Hmar chuan ruihtheih thil lakah zirlaite fihlim turin a chah.
Youth Services minister chuan zirlaite chu hlawhtlinna kawng an la zawh chhuak loa, chumi hma chuan tuna pass tha leh pass tha vak lo te pawh inang khat an la ni rih tih a sawi a. Master degree emaw bachelor degree emaw an nih hun chu an lawm hun emaw an ngui hun tur chauh a ni tih a sawi.
Ruihtheih thilin Mizoram a chiah hneh a. Henga talbuai ho hi an bul tanna chu ho te, vaihlo zuk leh hmuam atanga tan chho deuh vek an nih avangin, heng lakah hian fihlim turin zirlaite chu a chah.
High school chhuah hma atangin hawi tur lam hriat lawk a, chumi tura inbuatsaih nghal a tul tawh tih Lalnghinglova Hmar hian a sawi a. College chhuah hnua hawi lam hawi tum chhungin mi fate an lo inbuatsaih lawk fe tawh a, kan tluk thei thin lo tih a sawi a ni.
Sawrkar hna ngawt ni lo, mahni kea dinga eizawnna, kut themthiamna leh thiamthil hmangin mi chhawrtu zawk nih theihna kawng tam tak a inhawng tih a sawi bawk.
Kumin HSLC leh HSSLC exam-a Helen Lowry HSS atanga zirlaite pass chhuakte hnenah hian certificate hlan a ni a, subject-a letter hmu chin hnenah sumfaiin lawmpuina hlan a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More