Sean Kingston jail tang turin thiam loh chantir

‘Beautiful Girls’ tih hla satu, hman deuh a Aizawl-a rawn concert, Sean Kingston (a hming tak Kisean Anderson), kum 35, leh a nu Janice Turner, kum 63, te chu wire fraud case-ah thiam loh chantir an ni a, Kingston hi kum thum leh a chanve jail tang turin a chungthu rel a ni a, a nu Janice Turner chu kum nga jail tang tura a chungthu rel a ni bawk.
Sean Kingston leh a Janice Turner te hi dollar maktaduai khat wire fraud case-ah March thla khan thiam loh chantir an lo ni tawh a, court-in a hremna tur August ni 16 khan a puang ta a ni. An nufa hian bungraw hrang hrang an leina man an pekna receipt lem an siam a, hei hi an thil leina ten an manchhuak ta a ni.