SEC-ah Dr H Lalthangliana ruat

State election commissioner Mizoram atana ruat Dr H. Lalthlangliana chuan Thawhlehni khan a hna zawmin a pisa a luah thar a. Office thawktute nen an inkawm.
SEC Dr H. Lalthlangliana hi MCS zinga senior ber, Land Revenue & Settlement secretary ni lai a ni a, I&WC secretary bakah a Mizoram sawrkar hnuaiah hna hrang hrang – Aizawl Municipal commmissioner, Kolasib deputy commissioner leh School Education director hna a lo chelh tawh a; 2025 December 31-a pension tur niin, state election comissioner atana ruat a nih tak avang hian 2024 September 9 khan sawrkar atangin voluntary pension-in a chhuak a ni.
SEC-ah hian term khat – kum 5 emaw amah kum 65 a nih thleng emaw thleng thawk tura ruat a ni a; a term hmang tluan pawh nise kum 65 a tling hman dawn lo tih na a ni.
State election commissioner-ah hian sawrkar department-a secretary puitling ni tawh, election lama experience nei tha, kum 65 la tling lo te ruat theih a ni a. C Ropianga IAS (Rtd), L Tochhawng IAS (Rtd), Lalnunmawia Chuango, IAS (Rtd) (chief secretary ni chunga charge la) leh Laima Chozah IAS (Rtd) ten he hna hi an lo thawk tawh a, Dr H Lalthlangliana, MCS (Rtd) hi Mizoram state election commissioner 5-na tur a ni.