February ni 11-18, 2023 chhunga Serbia rama IMMAF amateur MMA world championship neih turah India ram a?anga fighter 6 an thlan zingah Mizoram State MMA Association (MI-SMA) fighter chhuan-vawr, Chite veng, Aizawl tlangval Zar-mawia thlan tel a ni. Zarmawia kalna tur hi bialtu MLA leh Sports minister ni mek Pu Robert Romawia Royte chuan a sponsor.
-- Advertisement --
Pu Robert-a hian a bial chhung ngeiah he-tiang mi an awm hi a lawm thu sawiin professional fighter a nih thlenga support a tum thu a sawi. Pu Robert-a bakah hian Pu Sharif Bapu kaihhruai ‘MMA India’ national federation chuan Zarmawia hi sponsorship a pe ve bawk a, kal tur zawng zawngte hi 411 figh-wear leh Raymonds ten a thawmhnaw ang tum-sak bawk.
He world championship hi Serbia sorkar nen tangkawpa neih tur a ni a, amateur MMA tournament awm tawh zingah lian ber a tur a ni. Ram 63 an tel dawn a, MMA cage pawh a vawi khatna atan pa nga lai a ruala hmana ni dawn. MMA hi khawvela infimna, a bikin combat games lamah chuan thang chak berte zing ami a ni mek; IMMAF hi khawvela MMA promotional compay lian ber UFC partner a nih angin IMMAF world championship hi amateur level-ah chuan khawvel mite hlut ber a ni a. Professional figh-ter nihna kawng leh UFC-a contract sign theihna kawng tha ber a ni bawk.
World championship-ah hian Mizo pahnih an lo tel tawh a, Zarmawia hi a pathum na tur a ni. Zara hian India ramah record a siam mek a, Lightweight leh Welterweight-ah national champion lai a ni. Amah hi Muaythai background niin complete fighter a nih duh vangin a training na hmun SPES martial arts gym-ah Brazilian Jiu-Jitsu Personal Training kum hnih chhung a la tawh a, chuta a training man chu bialtu MLA leh Sports minister ni mek Pu Robert Romawia Royte hian a lo sponsor tawh nghe nghe. Zar-mawia hian MMA ah fight vawi 20 hma-chhawn tawhin, vawi 18 a chak a, tla-wm zawk-ah vawihnih a tang tawh thung. Mizoram chhung bikah chuan MMA leh Muay-thai-ah tlawm nei lovin a kaltluang mek a. Kum kalta-a neih zawh tak LPS Pro Muaythai leh Mizoram Fight League-ah champion ve ve a. He mi bakah hian UMAI national Muay-thai professional tilte belt a kawl bawk.
MISMA chuan theihtawpin fighter te promote zel a tum a, Zarmawia hi kumin chhung ngeia professional fighter a nih theihna kawng hawnsak an tum a ni.