akira le Bizarrap te thawhdunna ‘Music Sessions Vol.53’ chuan Guinness World Records 14 a siam tih an puang. He hla hi a ex Gerrard Pique a kahna kha niin, kumin January thlaa tihchhuah kha a ni a, Bizarrap nena an thawh dunna hmasa ber a ni.
He hla hi Spotify-ah darkar 24 chhungin vawi 1,43,93,324 stream hman a ni a, Latin hlaa Spotufy-a darkar 24 chhunga stream nasat ber niin, Latin hla music video YouTube-ah darkar 24 chhunga en nasat ber niin, vawi 6,30,00,000 en a hlawh hman a, Latin hla YouTube-a vawi maktaduai 100 en hlawh rang thei ber niin, ni hnih leh darkar 22 chhungin a tling hman bawk. Heng lo pawh hi record a siam nual a, heti hian Shakira hian Guinness World Record 17 a siam tling tawh a ni.
He hla hi Billboard Hot 100 (singles) chart-ah pawh No.9 kaiin, Billboard Global 200-ah No.2 a kai thei bawk. Tunah chuan Shakira hian a hla thar, Karol G nena an thawh dunna ‘TQG’ a larpui leh mek taw a, he la hi a Colombian pui Karol G album ‘Mañana Será Bonito’ a hla niin, Billboard 200-ah album hi No.1 a kai nghe nghe a ni.
-- Advertisement --
Shakira-in Bizarrap nena ‘Music Sessions Vol. 53’ avanga record a siam \henkhat te chu:
n Spanish hla hmanga Billboard Hot 100 chart top 10-a hmeichhe zaithiam lang thei hmasa ber
n Hmeichhe zaithiam hla Billboard Latin Airplay chart-a No.1 ngah ber
n Billboard Hot Latin Songs chart-a hmeichhe zaithiam zinga No.1 ni rei ber
n Hmeichhe zaithiam zinga Billboard Hot Latin Songs chart-a top 10 kai thei hla ngah ber
n Hmeichhe zaithiam zinga Billboard Latin Airplay chart No.1-a mahni inluahlan thei hmasa ber
n Hmeichhe zaithiam zinga Billboard Latin Airplay chart-a top 10 kai thei hla ngah ber
n Hmeichhe zaithiam zinga Billboard Latin Pop Airplay chart-a No.1 kai thei hla ngah ber
n Hmeichhe zaithiam zinga Billboard Latin Pop Airplay chart-a top 10 kai thei hla ngah ber
n Billboard Latin Digital Song Sales chart-a No.1 kai thei hla ngah ber
n Hmeichhe zaithiam zinga Billboard chart hrang hrang-a Spanish hla No.1 pui theih ngah ber.