Supreme Court chuan Maharashtra Chief Minister Uddhav Thackeray-an petition a theh luh Election Commission of India (ECI) in party hming ‘Shiv Sena’ leh symbol ‘bow and arrow’ Eknath Shinde faction te hnena a pek a khinna chu February 21 khan ngaithuah tura pawmin February 22 tlai lam dar 3:30 ah ngaihtuah a ni ang a ti.
|awngkain Bench Chief Justice of India (CJI) Chandrachud kaihhruaiin senior advocate Thackeray aiawha ding Kapil Sibal an Election Commission-in February 17 a thupek a siam chu stay tura a ngenna chungchangah chhanna a siam a.
Sibal chuan Shinde lam te chuan Shiv Sena te ‘bank account leh property’ te an chhuhsak tawh tiin a sawi a. Senior advocate A.M. Singhvi pawhin EC thupek chuan harsatna a siam a ti bawk a.
Shinde aiawha ding senior advocate Neeraj Kishan Kaul chuan Thackeray chuan he thil hi High Court-ah pawh tum hnih a sawi lang tawh a ti thung a.
Chief Justice Chandrachud chuan February 22 ah Constitution Bench-in Shinde-Thackeray buaina khatih laia ‘rebel’ legislator te, Uddhav Thackeray ban hnua BJP te thlawpnaa sorkar Maharashtra a siam zui te disqualification tura ngenna a ngaihtuah hnuah ngaihtuah a ni ang a ti zui thung a.
“Naktuk tlai dar 3:30 hnuah Constitution Bench in hearing a neih zawh hnuah kan ngaihtuah ang a. Petition chhar turin hun kan mamawh a ni” tiin Chief Justice Chandrachud chuan Sibal leh Singhvi te hnenah a hrilh a.
Appeal a siamahThackeray aiawha ding tho advocate Amit Anand Tiwari chuan Election Commission (EC) chu ‘thleibik nei’ leh ‘duhsak bik nei’ tiin a sawi bawk a. EC chu “buaina a awma lai la tur” a nihna Election Symbols (Reservation and Allotment) Order of 1968 bawhchhia tiin a sawi bawk.
EC order chu Paragraph 15 of the 1968 Order, party a inep te leh kehchhia te atanga pawm tur zawk tihfiah a nih theih nana thuneihna a neih hmanga kalpui a ni.
Thackeray chuan EC thutlukna chuan party 2018 constitution leh party chhunga inthlanna neiha amah Thackeray chu leader atana an thlan a namnul tiin a sawi a. EC chuan party Constitution ‘chungnunna’ chu pawm duh lovin mi tlemte tena thuneihna an chan theih nana an hmanrua angah ngaiin Shinde pawl tena thuneihna an lak a remti a ni a ti a. Hei vang hian constitutional authority zawk chuan inner-party democracy principles a hnualsuat a ni, tiin Thackeray te lam chuan an sawi a.
“ECI-in Shinde-an party chhunga inthlanna Party Constitution-in a phut pawh nei hauh lo va thuneihna a chan a remti hi inner-party democracy principle kalh a ni” tiin petition chuan a tarlang.
EC hian Thackeray an ”party mi leh sa tinte thlawpna a hmu zawk tih a haider tlat a ti bawk a. Shiv Sena a Pratinidhi Sabha, parimary member aiawh te punkhawmna member 200 vel awma member 160 vel te thlawpna a hmuh zawk a ti bawk a. Hei mai bakah hian Thackeray chuan Legislative Council member 12 ah 12 leh Rajya Sabha member 3 ah 3 thlawpna a hmu a ti bawk a.
Chu aimaha la pawi zawk chu tia sawiin Thackeray chuan EC thupek hian political party a tiphel zawk a ni a ti a. Hei vang hian nakin zelah pawh legislator te chu an original party atangin disqualification pawh hlau hauh lovin an tlantau theihna kawng a hawng zawk dawn a ti bawk.
Party atanga phela party dang te nena inzawmna nei miah si lo leh party thar pawh din ni chuang miah lo chu defection tia sawi theih a ni tawh der dawn lo a ti bawk a. Constitution (Ninety-first Amendment) Act, 2003 chuan ‘split’ tih chunghang hi Paragraph 3 of the Tenth Schedule ah chiang takin a sawi an ti bawk a. Thackeray lam te chuan Shinde camp lam tena party whip thupek zawm duh lova chet an la chu Shiv Sena atanga inla hrang ang an ni a ti bawk a. Hei vang hian party member atanga chhuakin defection tia sawi theih niin disqualify tur an ni a ti bawk.
EC thupek an khinah Shiv Sena legislative wing ‘split’ chauh ni lo political party ang pawha split an ni tiin an sawi bawk a. Heng thilte hi EC proceeding ah a tel lo an ti bawk.
Thackeray camp te chuan EC in thutlukna a siamah Shinde faction te chuan legislator tam zawk an kawl tih pawh hnialin heng legislator te hi disqualification proceeding hmachhawn mek an ni an ti bawk a.
“Heng legislator te hian membership right hloh thei an ni a. Legislative majority tih ngawt hi Paragraph 15 of the Symbols Order behchhana majoroty changtu zawk siam nana behchhan hman theih a ni lo,” tiin petition chuan a tarlang bawk.
Shiv Sena chungchang SC in ngaihtuah dawn
Get real time updates directly on you device, subscribe now.