Siaha-a Sub Hqrs YMA hawn tumna dodal leh lo

Siaha-a Sub Hqrs YMA dah tum chu dodalna a awm zuai hnu ah tluang taka hawn a ni.
Thudawn danin, Sub Hqrs. YMA Lunglei hnuaia awm thin Chhimtuipui Group YMA chu Central YMA CEC chuan Sub Hqrs. Siaha ni turin a pawm tawh a ni.
Hemi ang hian Central YMA chuan Zirtawpni khan Sub Hqrs YMA Siaha hi hawn a tum a. Mara Thyutliau Py (Mara Thalai Pawl) Gen. Hqrs. chuan ti lo turin a lo ngen a. Chawhnu dar 1.00 inkhawm tan tum chu ti thei loin, CYMA hruaitute leh MTP hruaitute hi an inbia a, MTP Gen. Hqrs. hruaitute leh MTP Town Branch hruaitute an thutkhawm leh hnu ah Sub Hqrs YMA Siaha din chu an dodal loa, tlai dar 5.00 ah CYMA president Lalhmachhuana chuan a hawng a ni.
MTP Gen. Hqrs. hruaitute chuan Siaha-a Sub Hqrs. YMA din chu an dodal ngawr ngawr loa, hma lak tum dan leh hawn chhan an hriatchian duh vanga lo ngen an ni tih an sawi.
Sub Hqrs YMA Siaha hawng tur hian Central YMA office bearers bakah CEC member engemawzat, Sub Hqrs. YMA Lunglei hruaitute an kal a ni.