Siaha district-a sawhthing lei sa atangin qtl 796 hralh tawh

Siaha district-a sawhthing lei
sa atangin qtl 796 hralh tawh
Siaha district-ah sawhthing lei thawhkhatnaah a chingtute hnen atangin quintal 1130.62 leikhawm a ni a, heng atang hian a lei duhtute hnenah quintal 796.195 hralh a ni tawh.
Siaha district-ah hian society hrang hrangin primary collection centre (PCC) atanga an phurhkhawm sawhthing chu Secondary Collection Centre (SCC) pahnih – Siaha DC Office Complex leh Tipa BDO Office-ah lakkhawm a ni a, heta tang hian kg. ah Rs.50 aia tlem loa leisak zel an ni. Mesh bag a thlawna sem niin sawhthing hralh man hi sawhthing chingtute account-ah thun thin a ni.
Sawhthing lei thawhkhatnaa sawrkarin kuthnathawktute hnen atanga kg khat Rs.50 zela a lei thin chu support system-a kalpui tawh tura ruahman niin, he ruahmanna ang chuan auction hmanga sawhthing lei tura chhangtuten kg ah Rs.50-a an lei tlin lohna chauh sawrkarin a tum tawh dawn a ni.
District Agriculture Marketing Committee Siaha hnuaiah hian, Tipa SCC atangin sawhthing kg. 61124 (qtl. 611.24) lei tawh atangin kg. 34119 ( qtl.341.19) an hralhchhuak leh tawh a. Siaha SCC atangin atangin kg. 51938 (qtl. 519.38) an leikhawm atangin kg. 45505 (qtl. 455.05) an hralh chhuak a ni.