Rel hmanga oil phurhluhte dahthatna tur, Sihhmuia railfed oil depot din tum chu Thawhtanni khan Food Civil Supply & Consumer Affairs minister K Lalrinliana hoin Indian Oil Corporation Ltd (IOCL) leh sawrkar department dangte nen sawi ho a ni.
Oil depot siamna atana ram lak turin a kaihhnawih tihfel ngaite sawi ho a ni a. Oil depot ram tura high tension line kalte sawn dan tur ruahmanna leh hmalak tawhna chu Power Grid Corporation India Ltd-in report a pe a, PWD lamin a kalkawng tur zauh dan leh a kawng siamthat dan tur ruahmanna awm leh an hmalakna an sawi bawk. Geology & Mining lamin a hmun an survey-na report pe in, a ram leilung awm dan zirchianna leh a ngheh leh ngheh loh te report an pe a ni.
IOCL deputy general manager Deepak Kumar Pathak chuan ram lak tura tihfel ngai hmasaah Mizoram sawrkar hmalakna a that thu leh lawmawm an tih thu a sawi a. Ram lak fel thuai a nih theihna’n IOCL-in Mizoram sawrkar hnenah a rang lamin lekha an siam tur thu a sawi a ni.
Sihhmui oil depot din tum sawiho
Get real time updates directly on you device, subscribe now.
Next Post