Mizoram zirchianga rawn kal India ram leh a thiantha ram thenkhat sipai officer-te chuan Mizo khawtlang nun leh inrelbawlnaa YMA tangkaina hriatchian tumin Central YMA hruaitute nen an inkawm.
-- Advertisement --
National Defence College faculty leh Course member-te, ni 5 chama Mizoram tlawhtute hian Mizo khawtlang nuna YMA pawimawhna leh tangkai zia an hriat thu an sawi a. YMA kalphung leh inkaihhruai dan hrang hranga zawh duh an neihte Central YMA hruaitute zawtin, YMA-in ram leh hnam tana ruihhlo an lo do dan, khuarel chhiatna leh rikrum thila hma an dan bakah eizawnna kawnga thalaite an kaihhruai dan an sawipui a. YMA sumhnar neih dan an zawt bawk. Central YMA hruaitute hian an kalphung leh nihnate sipai hotute hi an hrilh a ni.
Ministry of Home Affairs hnuaia National Defence College New Delhi-a National Security and Strategic Course zirtu sipai hotute hian India ram state leh hnam hrang hrang nunphung leh inrelbawl dan an zir a, Mizoramah pawh team khat hian training hi an rawn nei a. India sipai bakah a sangawizawnpui ram – France, Japan, Bangladesh, Oman, Bhutan leh Uzbekistan atangte in sipai hotu an tel a ni.