Sleeping pills a hlauhawm

Mithiam ten zirchianna an neih tharah muthilhna damdawi (sleeping pills) ei chingte chuan a ei ve ngai lo te aiin thih thut theihna risk 36%-in an nei sang zawk niin an sawi.
Boston University-a mithiam ten thluaka enzyme calcium kinase an tih mai, kan mut dan control-tu an zirbing a. Zirchianna atan hian chaichim an hmang a, chaichim chu a thluak enzyme hnathawh tih tawp thei sleeping pill an eitir a, experiment an nei ta a ni.
Zirchianna neitute zinga mi Subimal Datta chuan, “Muthilhna damdawi kan ei hian siamtuin min siam phung ni loin kan thluak hnathawh kan tibuai a, hei hi muthilh lama harsatna nei te kan enkawlna pakhat ni mahse side effect a nei a ni,” a ti.
Zirchianna neitu te chuan chaichim-a an enchhinna atang hian sleeping pill kan ei hian kan thluak hnathawh a tibuai a, kan muthilhna tur control-tu calcium kinase chu hnathawk thei lovin a siam a, chu chuan thih thut theihna risk 36% in a tisang thei niin an sawi.
He zirchianna chungchang hi Journal of Neuroscience-ah tarlan a ni.