Slovakia-ah Russia thlawptu president tling
Populist Peter Pellgrini chu Slovakia president atana thlan tlin niin liberal Zuzana Caputova a thlak ang.
Kum 48-a upa Pellegrini hian pro-Wetsern Ivan Korcok, diplomat hlui ni bawk chu 53% vote hmuin a hneh a ni.
Pellegrini hi prime minister hlui niin Prime Minister Robert Fico thawhpui a ni bawk a, PM nen Russia lam tan tlat an ni bawk.
Tihian Fico leh a thawhpuite chuan Slovakia parliament, sorkar leh president office te an thunun ta vek a ni.
Slovakia hi tun hma chuan Fico-an thuneihna a chan hma chuan Ukraine thlawp burtu a ni a. Mahse, nikum October a Fico an thuneihna a chan hnuah Slovak Army military stick te Kyiv hnena pek a titawp zui nghal a ni. Pellegrini an Caputova a thlak takah chuan Ukraine chuan EU leh Nato capital-ah amah thlawp burtu a chan tihna a ni bawk.
Fico chu Western ram tena Ukraine military support an pek tih tawp duh niin Moscow nena inbiakna neia inkahhai awm se tia rawttu a ni bawk a. Fico chuan Vladimir Putin chu dik lo taka suala chhuah tia sawiin Ukraine chu Nato member a nih chuan indopui pathumna intanna a ni ang a ti bawk.
Campaign neih lai pawhin Pellegrini chuan Moscow lam thlawp zawng hlira thu sawiin Korcok chu indo duh tia puhin Ukraine a Slovak sipai te indo tura tirh tum tiin a sawi bawk.
June thlaa Caputova a chawlh hunah chuan Slovakia high-level official zingah Kyiv thlawp burtu an awm dawn tawh lo a ni. Kum khat kalta kha chuan Slovakia chuan a MiG-29 aircraft te chu Ukraine hnenah a hawhtir tawp a ni.
Liberal pro-Western opposition te chuan Pellegrini chu Hlas party coalition head a nihna leh Parliament chairman a nihna anga Fico an Slovakia criminal justice system khawih danglama Special Prosecutor’s Office, kum 20 kaltaa eirukna nasa leh economic crime te chhuichiang thin a tihtawpa ngawi rengah an puh a ni.
Special Prosecutor’s Office hian Fico a Smer party a senior officials te chhui chiang leh thubuai siamsakin chung mite chu kum 2018 a investigative journalist Jan Kuciak leh a bialnu Martina Kusnirova te thahnaa inhnamhnawiha a ngaih te an ni.
Robert Figo sorkar chuan tun hnai lawkah pawh Slovakia public broadcaster chu tihtawpa state thuhnuaia dah luh a tum a. Mahse, kar hnih kaltaa Peter Pellgrini an presidential election first round a vote a hmuh chhiat em avangin mipui ten an duh lo hle tih an chian hnuah an kalpui chhunzawm lo a ni.