Social media hman fimkhur tulna hrilh

mpulse NGO Network (INGON) Shillong leh CodNerc (Mizoram) tangdun chuan META company nena thawkho in zirlaite hnenah social media lam, online-a inbiakna hman fimkhur a tul zia an hrilh a. Tunkar khan Zokhawthar leh Champhaiah hun an hmang.
Online safety training-ah hian social media platform pathum – Facebook, WhatsApp leh Instagram hmanga online-in, midangin an lo hmuh theih tura kan dah chhuahah fimkhur a tul zia inzirtir a ni a. Online platform hrang hranga inbumna tam zia, hming leh nihna lem hman pawi zia bakah mahni lo inven theih dan turte zirtir a ni.
June 19 khan Zokhawthar-a higher secondary school-ah an zirtir a, June 20 khan Champhai Higher Secondary School zirlaite neihpuiin, June 21 khan Einstein Higher Secondary School Champhaia zirlaite leh Women and Child Development department nen an nei.