Sofia Vergara leh Joe Manganiello inthen

Sofia Vergara leh Joe Manganiello inthen
Khawvel hmeichhe duhawm berah te pawh an lo thlan tawh, Modern Family star leh America’s Got Talent judge Sofia Vergara, kum 51, leh a pasal Magic Mike star Joe Manganiello, kum 46, te chuan kum sarih an inneih hnuah July ni 17 khan inthen an tum thu an puang ve leh ta tlat mai.
An pahnih hian thuchhuah intawm siamin, “Inthen tura thutlukna siam harsa tak kan puitlin tlat. Mipahnih inhmangaiha induhsak tawn tak kan nih angin kan thil tawn thar karah hian kan privacy te min zah sak turin kan ngen che u a ni,” an ti.
Bergara leh Manganiello te hi an inngaihzawn hma pawha lo intawng fo tawh an ni a, tichuan, Vergara-i’n a pasal hual sumdawng Nick Loeb nena an inhualna an chhutchah thu a puan atanga thla khatna, June ni 15, 2014 khan a vawi khat nan an in-date ve ta chauh a, December 2014-ah chuan an inhual der tawh a, thla 11 hnuah chuan Palm Beach, Florida-ah an innei ta a ni.