Marijuana kawl avanga an man Gigi Hadid an chhuah leh ta

Supermodel Gigi Hadid chu nipui chawlh hmang turin Cayman Island-ah a thlawk lut a, mahse, July ni 10 khan Owen Riberts International Airport-ah an lo man chat. Hadid leh a thiannu chu private jet-in an thlawk lut a, mahse, Customs & Border Control official ten an bungrua vel an endik hnuah marijuana tam vak lo hmuchhuak ta a ni.
Hadid leh a thiante chu ganja lakluh leh ganja tih nana hmanrua te lalut a rinhlelh thuah man an ni a, Prisoner Detention Center-a lak an nih hnuah bail-in an chhuah leh ta a ni.
An man atanga ni hnihna, July ni 12-ah Hadid leh a thiannu chu court-ah inlanin, an thiam loh thu puangin, dollar 1,000 ve ve chawitir an nih hnuah an chhuah leh ta a ni.
Gigi Hadid thupuangtu chuan hemi chungchangah hian thuchhuah siamin, “Gigi hian NYC-a medical license nen dan ang thlapa phalna a marijuana a lei chu a zinnaah hian a pai a. Grand Cayman-ah pawh hian 2017 atangin damdawi atana hman hi phalrai a ni tawh. He thliarkarah hian hlim takin hun a hman chhunzawm e,” a ti.