Nations League semi-final a intum tur pawh fel a ni a, football thiam ram Spain leh Italy an inhmachhawn dawn a, Netherlands in Croatia an hmachhawn ve dawn bawk.
-- Advertisement --
Nations League semi-final hi June ni 14 ah khelh a ni dawn a. Neetherlands leh Croatia te intum hmasa in, anni hi De Kuip, Rotter-dam ah an inkhel dawn. Semi-final thawh hnihna hi June ni 15 ah khelh a ni ve thung a. Spain leh Italy te hi FC Twente Stadium, Enschede ah an inhmachhawn ve thung a. June 18 ah pathumna zawn a ni ang a. June 18 vek hian final khelh a ni ang a. Final hi De Kuip, Rotterdam ah khelh a ni ang.
Semi-final hnuhnung zawka intum tur Spain leh Italy te hi kum 2021 khan Nations League semi-final ah tho hian an lo inhmachhawn tawh a, Spain in 2-1 in Italy an hneh a. Italy hnehtu Spain hian final-ah France an hneh lova, an champion zo lo thung.
League Cup ruahmanna thar
UEFA chuan Nations League ah ruahmanna thar a nei a. Kum 2024 atangin ruahmanna thar hi hman tan tur a ni ang. Ruahmanna tharah chuan quarter-final khelh a ni tawh dawn. Tuna dan hman mekah hian ranking a sang ram 16 te League A ah an awm a. Group li ah then niin, group champion te theuhin semi-final an khel zui mai thin. 2027 atang chuan group a sang pahnih an tlang ang a, team riat an tlang tawh dawn. Group champion ten group a pahnihna an hmachhawn ang a, chuta chakte chuan semi-final an khel zui leh ang.
Nations League hman mekah hian League A, group pali a mi, table hnuai bera awmte League B lamah an tlahniam a. League B a pakhatna theuhte League A lamah an kaisang nghal mai thin. Kum 2025 atang chuan kaisang tur zawnna playoff khelh a ni tawh thung dawn.
UEFA hian Nations League chungchanga bakah World Cup leh Euro khel tur zawn dan thenkhat an tidanglam tel bawk