Sports hmunhma sak mekte tlawh
Cheng nuai 4400 senna tur Mamit District Sports Complex, cheng nuai 3286 senna tur Mamit Residential Sports School, cheng nuai 1200 senna tur Mamit Mulitipurpose Indoor Stadium senna tur sak mekte chu Nilaini khan Sports minister Robert Romawia Royte chuan a hmunah a enfiah a. Hei bakah hian Darlaka Football Field tui lian danna siam leh Basketball Court sak mek pawh khawtlang hruaitute nên an en ho a, hmalak zel dan tur an sawi ho.
Kawrthaha Volleyball Court siam mek leh lighting system-te Kawrthah Village Council leh Games & Sposts Association te nen an en ho bakah Kawrthah Residential School building hrang hrang leh a kentel sports infrastructure te an en ho bawk.
Sports minister hi Rengdil khawtlang hruaitute leh G&SA hruaitute nen inkawmin, Rengdila Basketball Court leh Volleyball Court chu a hranga sa loa, semi indoor stadium-a integrated centre anga sak an duh thu an lo thlen pawh tihpuitlin tum a nih thu a hrilh.
Zamuanga kuhva ro tawlhruk check-na tura Hachhek kuhva chingtuten check gate an siama police duty-te ch tlawhin, dan phal loh thil tawlhrukte theihtawp chhuaha lo veng tur leh lo man zel turin a fuih a ni.