Spotify-a rap album stream nasat ber XXXTen-tacion ‘?’

Hip-hop kum 50 tlin kum a ni bawk a, kumin chu hip-hop lamin thawm pawh an nei deuh reng mai, tunah pawh he genre kum 50 tlin champha pual hian RapCaviar chuan Spotify-a rap album stream nasat zual an tichhuak a, No.1 chu XXXTentacion album ‘?’ a ni.
XXXTentacion album ‘?’ hi March 2018-a tlangzarh kha niin, a album a tlangzarh atanga thla thumna vel lekah amah hi an kapphlum zui ta mai a nih kha. Mahse, a thih hnuah pawh a rimawi chuan thu a la sawi ta zel a, vawiin thlengin a thawm a la dai thei tak tak lo. He album-a a hla ‘Moonlight,’ ‘Changes’ leh ‘Sad!’ te pawh a larpui viau a, a album hi Billboard 200 chart-ah pawh No.1 a kai a, a hla hit ‘Sad!’ hi a thih hnuah Billboard Hot 100 chart-ah No.1 kaiin, 1997-a The Notorious B.I.G. hla ‘Mo Money, Mo Problems’ hnua thih hnuah Hot 100 chart-a hla No.1 kaipui thei hmasa ber a ni.
RapCaviar list-ah hian XXXTentacion album dang ’17’ pawh top 10-ah langin, No.6 a ni. ’17’ hi a debut album niin, Kendrick Lamar, The Weeknd leh Erykah Badu te pawhin an fak hle a nih kha. He album hi 2017-a a tlangzarh niin, he album-a a hla ‘Jocelyn Flores’ leh ‘F- Love’ pawh fan favorite an ni.
RapCaviar list-ah hian Top 10-ah rapper mual liam tawh bawk Juice WRLD leh Pop Smoke te pawh an lang a. Juice WRLD album ‘Goodbye & Good Riddance’ chu No.4 niin, a album pathumna, 2020-a a tlangzarh ‘Legends Never Die’ pawh No.10 a ni. He album hi a thih hnua a album an tlangzarh hmasak ber niin, an tlangzarh kar khatnaah US-ah 5,00,000 dawn hralhin Billboard 200-ah a No.1 nghe nghe a ni.
Drake album ‘Scorpion’ chu RapCaviar list-ah hian No.2 a ni a, Travis Scott album ‘Astroworld’ chu top five khartu niin, No.5 a ni ve thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More