English Premier League-ah palinaa awm mek Tottenham leh an manager Antonio Conte te chu inhriatthiam tawnna in an inthen. Spurs hi Conte-a assistant manaer Cristian Stellini-an tun season chhung chu a enkawl rih dawn.
Chelsea manager hlui Conte leh Tottenham thuneituten inhmuh thiam lohna an lo nei lawk tawh a. Season tawp rualin an inthen ngei tura ngaih ngheh a ni. Southampton nen an inhnehtawk hnuin Italian manager Conte hian a player zingah mahni hmasial an awm thu leh Tottenham chu an culture a fuh tawk loh thu press conference-ah a sawi-chhuak a. Hei hian mei ling de ve ve a chhem alh hluai a, club thuneitute nen an inkar bakah a player te nen an inkar a khichat nghak phawk. A thusawi vang hian ban a tawh thuai rinna lian tak a awm nghal a. Rinlawk ang ngeiin Spurs nen an intehn zui ta a ni.
Chelsea manager hlui Antonio Conte hian kum 2021 atang khan Tottenham hi a enkawl tan a. Inelna hrang hrangah vawi 76 kaihruaiin vawi 40 a chakpui a, tlawm zawkah vawi 23 tanin, hnehna a chanpui zat hi 54.1% a ni. Conte hian club lian Juventus, Inter Milan leh Chelsea te a lo enkawl tawh bawk a. Club a enkawl tawh zingah Tottengam hi a chet that lohna ber a ni.
London club lian Tottenham kum 2019 a Mauricio Pochettino lan ban hnuin manager an nei fuh hleithei lova, Nuno Espirito Santo thlaktu Conte an ban leh tak vangin manager nghet tur an zawn zui leh nghal a ngai dawn. Spurs hian EPL season kal mekah khelh hmabak 10 an la neihah manager thar rawih an tum rih lova, Cristian Stellini kaihhruaina in champions League khelh phak ngei an tum tur thu club chairman Daniel Levy chuan a sawi.
Conte-a’n Tottenham a chhuahsan leh takah hian EPL season kal mekah EPL manager 11 zetin an club an chhuahsan tawh a. Hei hi EPL record thar niin, season khatah manager in an club an chhuahsan tam ber tum a ni.
Spurs leh Conte an inthen
Get real time updates directly on you device, subscribe now.
Prev Post
Next Post