Spurs player-te’n fans ticket tumsak dawn!

Spurs player-te’n fans ticket tumsak dawn!
Pathianni zan Premier League inkhel pakhatah Newcastle United chuan 6-1 tehrengin an London mikhual Tottenham Hotspurs an sawp a, Thawhtanniah Spurs hian interim coach Cristian Stellini banin assistant coach hna chelh lai Ryan Mason chu manager nghet an lak hmaa head coach hna lo chelh rih turin appointment an pe a, hei lo pawh hi St James’ Park-a tlawmnain nghawng lian tak dang a nei a, Tottenham player-te’n an hlawh atangin an tlawmna inkhel en tura London atanga New-castle khuaa zuitu an supporter-te ticket man an tumsak (reimburse) vek dawn!
Hei hi an club su-pporter zinchhuakte laka Spurs player-te thupha chawina chikhat a ni!
Newcastle khuaa tlawm Spurs player-te hian an khelh dan chhe tak avang khan thupha an chawi tawh a, Premier League khelh ruk chiah hmabak an neih tawhah top four hmun luahkir leh tura an theihna zawng zawng sawrchhuah an tiam nghal bawk!
Spurs player-te chuan an supporter-te tan thuchhuah intawm siamin, “Squad kan nihna zawnah in rilru nawmlohna leh thinrim-na kan hriatthiampui che u a, kan hun tawn-ah hian thupha chawi turin eng tawngkam mah a tawk zo lo tih pawh kan hria, kan tha tawk lo a ni, mahse, min rign ula, hetiang ema tlawmna hi chu keini pawhin na kan ti.
“In mi thlawpnaah kan lawm a, home leh away-a min support tlatna kan hria a, he’ng hi rilrua vawng reng chungin St James’ Park-a kan inkhel enna ticket leitute zawng zawng kha kan pawisain kan rullet leh vek dawn che u a ni.
“Kan thiltih hian Pathiannia thil thleng kha a tidanglam tawh dawnchuang lo tih pawh kan hria a, mah-se, Ningania Manches-ter United kan sut hunah hian kawngdika kirleh turin kan theihtawp kan chhuah dawn a, min thlawpna hlu tak kan mamawh leh dawn a ni,” tiin.
Point 53 nen Spurs hian league table-ah parukna an luah tawh a, an aia game hniha khel tlem chunga palina luahtu United nen point rukin an inthlau tawh!