Hriatreng tawh tur Hriatpuia (Comedian) (2000-2023)

By Lalsiamkima Samte
Thanlai a hrang a ni sa thliah lo. A chul, a chuai, a chawh chawrawi, chawlhna nuam zawk panin mi kalsan tak saw. Lo ni rawh se, kan thinlung kilkhatah chuan hriatreng tawh tur Hriatpuia i ni bang lo`ng e. Hriatreng tlak i sulhnute kha kan hre reng lo a nih chuan mi ngaithiam la. Hre reng tura min duhte kan hriatreng loh chuan mi ngaidam bawk dawn nia.
K. Vanlalhriatpuia(Hriatpuia) kha tet te atanga zilhna leh fuihna dawng tha tih rin thiam theih mai turin aia upa zah a thiam em em a, zei tak leh smart taka chet hun kha a hre em em bawk a, a thenrualte zingah khan “smart boy” ni hliah hliah hianin ka hria.
A zia reng reng kha chapo lo, mi hnuaichhiah mi ni lo, thuhnuairawlh, mi inngaitlawm leh hlim thei tak mai a ni a. Rual pawlthiam leh rual elthiam, a hun leh hmuna mi biangbiak leh chhawnchhaih thiam tak a ni. Mi mizia a man chakin, mi zeldin thu leh titi pawh a pawh zung zung a. Chumi tlinkhawm tir theitu chu a lehkhathiamna kha a ni.
A hring a hrana ni 177 he khawvela kan inhriat chhung khan ka pawi a sawi reng reng ka hre lo va. Ka mit tikham zawnga awm lah ka hre hek lo. A bula awm kha a hahdam thlakin a nuam em em a, fiamthu thiam nimahse fiamthu kha a hun leh hmunah lo chuan a thawh zen zen lo.
Kan karah khan a thiantha dangte angin “chilhood memory” sawi tur leh s>p tur, thu hmuhnu thar thawh leh kaih thawh tur reng reng a awm lo va.
“Kan school kal thin lai kha chuan…emaw, kan inkhawmho thin lai kha chuan…” han tih tur pawh kha kan nei em em lo. Mahse, a nun kha, a nunkhawhar kha, Mimkut thla a piang ve ve kan nih vang leh kei ai-a kum khata khaw eng hmu hnuhnung zawk a nih vang pawh ni chuang loin ka hrethiam pha ve riai ruai mai.
Comedian khawvel leh literature khawvel sawiho leh titi ho tura thu kan tuah rem rauh rauh lai a mi liamsan mai hi a pawi lm a sin! Mizo History-ah phei chuan kan rualpui zingah a ni aia hria an awm loh tur thu St. Pauls lama a sangawi zawnpui Mk-a`n hahipin a sawi thin a ni ngai. I hria nge hre lo pawh kan hriat hma a heti maia ngawih zai i rel ringawt hi chu a fel chiah lo a ni.
|hat lai hun kan hmang tan dawn chauh va, hetia ngawih hmasak chuha i ngawi ta vung vung mai hi a patling thawmhnaw lo deuh mah mah lo maw? Rahchhuaha Dental Surgery i zir chhuah hun i laich$n ten an nghakhlel tluk zet khan kan lo nghakhlel ve a, i duh ang ngeia i hming bulah “Dr” kan lo dah lawkte kha l>mang kan ind>r nasa hret chu a ni.
Chu vang chuan kei pawn mi talented i nihziate, lehkhathiam thei tak i nihte, zirna bulthut KG i kal atanga topper dinhmun i hauh thu te, kum naupangte ni chunga Spelling Bee competition ah te, Quiz competition ah te tela lawmman pahnihna leh pakhatna i hum haw thute, Essay writing competition a top i nih thute leh, Comedian Search(2021) lama lawmman pahnihna i dawn thute hi ch$k zawka ch$p zui loin ka tihder ve s^k mai dawn che em ni? I duh dawn bik em ni?
Hun lo la awm tur kan ngaihtuah hian ka ngui ruai a. Hun lo la thleng tur kan dawn chang hian i ngaihawm zual ngei ang.
Kan inhmuh hnuhnun ber kha min peihlohsan hma kar chiah, tahrik 14th April, 23 KTP, Bangalore Sport kha a ni. Khiangkawi ipte rawn akin, lukhum var dal hi a rawn khum reuh va. Jogger paint dum hain, St Pauls football jersey var, a dar tawna thangchhuah kawr zehtel kha a rawn ha var surh a.
United Theological College, Bangalore-a Master of Theology(New Testament) zir mek Tv. F. Lalchandama, Hriatpuia, kei leh kan unau force lam mi pahnihte nen khan mi hulum han pawh chiah loin thut hmun kan rem a. Fiamthu ruahtham leh ruahtham loh tak tak thawhin kan han pung purh chho a. Kan theologian Chhhandama lah insum k^r bik hek lo, sawi chh^wn chi loh leh, sawi chhuah rem em em lo te kha kan khekin kan khuk pui nasa teh a sin!
Chu`ng a fiamthu zinga pakhat chu kan phawrh chhuak ang e. Bangalore Mizo Association-in Chapchar kut an hmannaah fiamthu thawh turin an sawm a. Stage-a a ding chhuak kha a hnungah kan BMA hruaitute, kan theologian rmah Sir Siamte mi han ti a, “Enge ni ta?” ka ti satliah mai a. “En teh, ka ipte-ah hian Siamkima Khawlhring thlalak pathum ka nei a, ka pe ang che aw, kei ai chuan i hmang tangkai zawk ang” a ti roh a. A va lawmawm dawn ve tih pah chuan, “Prof. Siamkima Khawlhring kha mi thenkhat chuan “Father of Mizo Criticism” title an pe hial a sin” tiin ka lo chh^wn ve a.
Zeldin thu leh thu puarpawleng han ham zui duh ila chuan “I lo hetih dawn vang hi a nih hi” tia zawlnei derte anga han zeldin zui kha thil awm lo a ni bik lo ang.
A kal ni(18.04.23) atang khan Bangalore-a veng nuam ber(a awma te hian nuam kan ti >m a) a damlaia tual a rawn len ve na thin “Ullal” veng chuan awm dan thiam har kan ti kher mai. Kan sawi bang lo, kan sawi ning lo, kan sawi chhuak leh thin.
Kan theih tawk chhuahin i ruang dai kha kan rawn vailiam ve a, fiamthua i sawisak nin loh Mk-a awm dan thiam lo lutukte kha nangmah ngeiin rawn fiamthu pui leh la kan nuihpui nasat dawn nen maw…
E khai! Ka inphawrh lungchhe mai d^wn, i duh tawk dawn teh ang. Kan thu tlangkawm nan chuan tha i thlah hma lawka i thian Zadingliana nena in poem kh^wr pum hian ka thinlunga thu awm a fm a, thu hnuhnungah i hmang teh ang aw – ka thian;

Dam takin aw ka thian,
Sakhmel intawn leh hma zawng,
Chung khuanun vengin hual che rawh se,
Lenna tlang dangin kaina run dang mah se,
Thaikawi biahthu inhlan zelin,
Dam takin mangtha aw ka thian
Hreawm leh bawrhsawm laite pawn,
Ka nghilh lo`ng che aw ka thian,
I tan rinawmin ka awm zel ang,
|uan tul vang hianin kan kar hla mah se,
Ka thinlung zawngin a hlat dawn lo che,
Duhsakna nen mangtha aw ka thian.
Lenkawl ni eng no ruai leh,
Siahthing par tlan sirva ten,
Rualduh ngaiin lung min len ngei,
Khawia`n tuan ta maw rualkim lai ni te,
Auh kir leh ka nuam ngei e,
Hmanlai an chang zo ta si.