Suspend tak thiamlohna hmu lo

Vairengte Police Station-a duty, dan phal loha lirthei veivakte hnen atanga pawisa laa puh a nih avanga kumin January 10-a suspend ASI Mary Rosangpuii chu chhuichian a nih hnuah a thiam lohna hmuh a ni lo.
Thudawn danin, pawisa laa puhna chungchang hi chhuichiang turin department chuan Joseph Lalremmawia, MPS a ruat a, kumin March 8 khan report a thehlut. A report-ah hian Mary Rosangpuii dan bawhchhiaa puhnaah finfiahna a awm lo tih a tarlang.
A report hi thuneitu sang zawkten an zirchian hnuah pawmin, suspend a nihna chu May 14 khan hlih a ni a. An suspend chhung, ni 128 chu on duty anga ngaih a ni a, hemi chhunga a hlawh tur pawh pek tur a ni.
He thilah hian officer dang pakhat pawh suspend a ni.