Daily Newspaper

Synod Inkhawmpui tiak ta

63

Synod Inkhawmpui vawi 97-na chu Zirtawpni khan an zo fel; Mizoram Presbyterian Kohhran Inkhawmpui sang ber hi December ni 2-11 chhungin Dawrpui Kohhran biak inah neih a ni a, Dawrpui Pastor Bial-in an thleng a ni.

A tawp ni hian Pro Pastor 15 nemngheh an ni a, panga chu Synod Mission Board hnuaia mi an ni. Pro Pastor atana lak thar mi 18-te dahnghehna hun an hmang a, Pastor pension-a chhuak turte thlahna hun leh Pastor boralte sunna hun an hmang bawk. Rev Thangpuiliana, Rev VL Zaithanga, Rev Bruce Tennyson Nelmes, Rev BB Mondol leh Rev John Sharma te sun an ni.

Kumin hian vantlang inkhawm a awm lo a, chawhnu lamah moderator kalchhuak Rev R Lalchangliana’n valedictory sermon a sawi a, Zirtawpni-a an hun hman hi TV lamah live-a chhuah a ni.

Covid-19 hrileng vangin Synod Inkhawmpui hi sorkar phalnain mi 300 aia tam lo kalkhawma neih a ni a, palaite leh inkhawmpui thlen hnathawkte chu Rapid Antigen Test hmanga endik an ni.

Palaite hi inthut hnaih lohtir an ni a, hmai an tuam bawk. Rorel inkhawma hmai an tuam bakah nemnghehna hunah pawh hmai an tuam.

2021-2022 atana Synod Budget atan Rs 3,79,20,14,000 an pawm a, Pastoral-ah Rs 2,42,84,10,000, Mission-ah Rs 1,36,36,04,000 a ni.

2020 Synod Inkhawmpuiah hian moderator chu Rev Dr C Lalhlira a ni a, secretary (senior) chu Rev Vanlalrova Khiangte, secretary (junior) chu Upa Lalrinmuana, finance secretary chu Rev B sangthanga leh Rev Lalramliana Pachuau, statistician chu Rev J Lalremsiama a ni. Nakkum Synod chu Republic Veng biak ina nghah an rel a, moderator tur chu Rev Dr Vanlalnghaka Ralte a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy