T.T zirna hawng

On May 3, 2023 31 0

T.T zirna hawng
Mizoram State Sports Council(MSSC) chuan Electric Veng YMA hall ah Table Tennis Non Residential Coaching Programme a hawng a. He hunah hian C. Lalrinzuala, Joint Secretary, MSSC chu khuallian a ni.
Hunkai hruaitu H. Laldinsanga, Sports Promotion Officer, MSSC chuan, Infiammiten an mamawh ber chu nitina Sport an khelh theihna hmun hi a ni. Chu mi chu kan sorkar in min siam saka, kan lawm takzet a ni, a ti.
Khuallian C. Lalrinzuala, Joint Secretary, MSSC chuan tun lai naupang an vanneih tawh thu a sawi a. Tun hma atanga Table Tennis ngaihhlutna veng Electric vengah TT zirna a awm chu vanneihthlak a ti a. Table Tennis zirlaite chu zirna thlahthlam lovin, ngawrh taka lehkha zir chungin a in zir theih a ni, a ti. TT zirlai chu naupang thuawih leh sualna nei lo turin a chah bawk.
Table Tennis Trainer Zorema chuan report pe in, Aizawl khawpui chhung ah Non Residential coaching camp Table Tennis ah training kal mek 34 an awm thu sawiin, mipa 27 leh hmeichhia 7 an awm thu tarlang a ni. Training hi Mission Veng ah bul tan a ni bawk ang.
Veng neitu, Electric Veng Local President M. Sawichunga leh President, Electric Veng Branch YMA C.Lalrokhuma leh C. Lalrinsanga, Table Tennis Club te chuan thu an sawi bawk a ni.