Taiwan-a Mizo thalai hna hmuh dan turah LoI ziak
Mizoram Youth Commission (MYC) leh TOP International Human Resources Management Consulting Taiwan chuan Zirtawpni khan Aizawlah Labour, Employment, Skill Development & Entrepreneurship (LESDE) minister Lalnghinglova Hmar kaihhruaiin thawhdunna tura bultanna ‘letter of intent’ (LoI) an ziak.
MYC aiawhin chairman Malsawmzuala Ralte leh TOP International Human Resources Management Consulting aiawhin chairman Angus Shih ten hming an ziah hnan a ni.
An thawhdunna turah hian TOP International Human Resources Management Consulting-in cheng nuai 50 an pek tur hmangin MYC Aizawl Campus-ah Chinese tawng zirna, Mandarin Language Learning Centre din a ni ang. Mizo thalai Manadarin tawng zirte hian Taiwan-ah hna an thawk zel thei dawn. Mizo thalai 1000 Taiwan-a hna thawk tura thawn tum a ni a, bultanna atan thalai 100 thawn phawt a ni anga, hemi hnu hian thawhdunna tluantling, MoU buatsaih zui a ni ang.
TOP International Human Resources Management Consulting hotute hian Ningani khan chief minister Lalduhoma New Delhi zin an rawn zui haw a. Hemi zan hian LESDE minister Lalnghinglova Hmar hoin Assembly House-ah hmalak dan tur leh thawhho dan tur sawiin an inkawm a; inrem lailawkna ziah nise, an tih chu chak taka bawhzui nghalin LoI hi ziahfel a ni.
Taiwan-a Mizo thalai hna hmuh dan turah LoI ziak
Get real time updates directly on you device, subscribe now.
Next Post