Tamil Nadu Chief Minister M K Stalin chuan External Affairs Minister S Jaishankar chu Sri Lankan Navy-in sangha mantu 10 an man chungchangah inrawlh tur leh rang thei ang bera chhuah an nih theih nana hma la turin Ningani khan a ngen.
Stalin hian Jaishankar-a hnenah hian lehkha thawnin Indian sangha mantu 10-te hi Sri Lankan Navy-in January 8, 2025 khan an sangha manna lawngleng nen Karaikal (Puducherry union territory)-a an man thu a ziak.
Sri Lankan Navy-in an mante zinga paruk hi Tamil Nadu mi (pang chu Mayiladuthurai district leh Nagapattinam district pakhat) an ni tih a tar lang bawk.
Heng sangha mantute hi an sangha man chu an innghahna a nih thu leh Sri Lankan Navy-in an hren chhung hian an chhungte tan harsatna tam tak a thleng dawn niin Stalin-a hian a ziak.
“Tun dinhmunah hian Sri Lankan thuneitute hnenah sangha mantu 102 leh sangha manna lawng 210 a awm mek a. Tih dan phung pangngai anga he thilah hian inrawlha a rang thei ang bera heng mi hrente leh an lawngte hi chhuah a nih theih nan hma la turin ka ngen che a ni,” tiin Tamil Nadu chief minister hian union minister hi a ngen a ni.
Tamil Nadu CM-in sangha mantute tan Jaishankar ngen
Get real time updates directly on you device, subscribe now.
Next Post