Tata Curvv SUV-Coupe Aug. 7-ah tlangzarh dawn

Tata Motors chuan kumina an lirthei tlangzarh tur zinga ngaihven hlawh ber pawl Curvv SUV-coupe chu August ni 7-ah an tlangzarh dawn a, Tata-in compact SUV an luhchilh \anna tur niin, yundai Creta, Kia Seltos le Maruti Grand Vitara te a rawn el dawn a ni. Curvv SUV-coupe hi all-electric (EV) leh internal combustion (ICE) model a awm dawn a, a chei dan a inang lo hret ang.
Thlir thuak chuan EV leh ICE hi a inang hle a, a danglamna langsar deuh chu a grille leh bumper velah a ni. Curvv diesel-in blacked-out grille neiin, EV-ah a body rawng grille a ni ve thung a, EV hian ICE te angin cooling a mamawhna a sang ve lo a, chuvangin a bumper vela air vent awmdan a danglam deuh bawk ang.
Curvv EV hi Acti.ev platform a din niin, Tata kutchhuak he platform a din model pahnihna tur a ni a, company lam hian a chak dan leh battery vel an la tlangzarh lo a, mahse, Curvv EV hian dual-motor neiin, a range pawh km 500 vel niin report a awm.
ICE hi petrol leh diesel engine a awm a, 1.2-litre direct injection turbo-petrol engine leh 1.5-litre turbo-diesel engine a awm a, manual leh automatic gearbox-ah duhthlan tur a awm ve ve bawk.