Taylor Swift concert ticket lei turin Dwayne Johnson-a’n a tih ngai loh a tih a ngai

Taylor Swift concert ticket lei turin Dwayne Johnson-a’n a tih ngai loh a tih a ngai
Taylor Swift ‘Eras Tour’ chu a pui cher cher bawk a, ticket chan pawh a khirh talh mai a, milar tak tak pawhin ticket lei turin tu tu emaw an biak that te a ngai ve a, Hollywood-ah tunlaia a changtupa te zinga lar ber pawl Dwayne ‘The Rock’ Johnson pawhin ticket nei turin a tih ngai loh a tih a tul ve tlat.
Dwayne Johnson chuan, “Hetiang hi ka career-ah ka la ti ngai lo,” tiin concert ticket nei turin midang biak that leh mi puihna a mamawh ve ta hial mai chu mak a tih thu a sawi a, “Midang an biak kual vel hi ka tan tih a tul ngai lo. A tlangpui thuin ka duh chu a tih ve theih mai zel. Midang thil min tihsak tura ngen vel hi ka nuam tihzawng pawh a ni lo a, midang tihsak hi nuam ka ti zawk a. Mahse, tun tum chu phone call an tih ve zeuh te a ngai a. Taylor-i zarah a fel thei e,” a ti.