Taylor Swift-i’n a album thar tlangzarh hnuah $135M hmu chhuak tawh

Taylor Swift-i’n a album thar tlangzarh hnuah $135M hmu chhuak tawh
Taylor Swift chuan a studio album 12-na ‘The Life of a Showgirl’ a tlangzarh atangin thla khat em pawh a la tling lo a, chuti chung chuan sum a hui lut leh hem hem tawh a, a album tlangzarh atanga kar khat chhungin dollar maktaduai 135 a hmu chhuak leh hman tlat!
Billboard-in an chhut dan chuan ‘Showgirl’ album, a kar khatnaa US-a maktaduai 4 a hralh tlin theih khan dollar maktaduai 135 vel hi chu a hmu chhuak leh nghal der tawh. Swift hian 2015-a Adele album ‘25’-in kar khat chhunga US-a album hralh tam record a siam chu a rawn khum a, maktaduai 4 a hralh tling thei kha amah pawh a lawm ngang a nih kha. A album hmasa ber ‘Taylor Swift’ a tlangzarh khan a kar khatnaah 40,000 vel a hralh thei a, kha nen khan a rawn khaikhin ve zauh a nih kha.