Zaninah Mizo Idol Top 5 intisiak zan hnihna Top 7 te top 5-ah an tling leh vek

Zaninah Mizo Idol Top 5 intisiak zan hnihna
Top 7 te top 5-ah an tling leh vek
LESDE Mizo Idol Season 8 pawh a hmawr an bawk hnai ve leh tan a, nizan hmasa khan Top 7 atanga Top 5 tling te puan an ni a, tumah tla lovin, top 5-ah an inhlangkai vek a, Top 5 intihsiak zan khat nei zui nghalin, zanin top 5 intihsiak zan hnih an nei leh a, zanin show-ah hian house band nen, live music-in contestant-te zai hi rem sak an ni tawh dawn a ni.
Top 7 atanga Top 5 tling te result puan boruak a hot khawp mai a, show neihna hmun R Dengthuama Hall-ah fans an pungkhawm a, boruak a tang ru riau. Result an puang a, top 5 tling tura tlang rin lawk Vanlalneihpuii, Chamring chu tling zinga puan hmasak ber niin, tantu ngah leh chetchhiat em em la nei lo Emmanuel Lalremruata, Tuikual South-in a dawt a, social media views ngah vanga top 7-a inhlangkai, Lalthakima, Mamit chu top 5 inhlangkai puan hmasak patumna a ni a, Remlalvuani, Thenzawl leh Sylvia Malsawmpuii, Champhai Vengthlang ten top 5 an khar ta.
Contestant dang pahnih Zomuansanga, Dawrpui Vengthar leh Dinsanga, Upper Republic te tan Idol zinkawng a tawp ta em ni? Tawp lo e. Zomuansanga’n zan hmasa lama |hakima dinhmun rawn luahin, Zonet social media Instagram, Facebook leh YouTube-a viewer ngah ber niin, top 5 a tling parukna a ni. Dinsanga chauh a chuang ta. Mahse, ani pawh a tla ta bik chuang lo, judge zinga mi Hmingte’n a ‘chhanhimna’ neih chu Dinsanga tan hmangin, top 5-ah pasarih an tling leh ta vek a ni.
Top 5, round hi zan hnih neih tur a ni a, nizan hmasa result puan zawhah intihsiak chhunzawm nghal a ni a, |hakima’n ‘Fur Khawthiang’ nen bul tanin, fans tana phurna tur tawk chu a rawn chhawp chhuak leh chiang e. Chutihrualin top 7 intihsiak aiin Top5 round zan khatnaah hian a che fimkhur ta deuh riauin emaw ni aw tih theih tur deuh chu a awm. Mahse, judge leh guest judge comment atangin a dinhmun a derthawng lo turah a ngaih theih deuh e.
Judge Hmingtea chhanhimna lawnga chuang, Dinsanga’n ‘Ka Hmangaih Che Asin’ tih hlain |hakima a rawn dawt a, lung a kuai leh raih mai, ani pawh hi chesual hleithei lo chu a ni deuh ber e. Mahse, ‘chhanhim’ ngaia a awm khan a performance a nghawng ve deuh em le!
Sylvia-i’n no zet maiin “I Leng Dun Ang” a rawn tichhunzawm ve leh delh delh mai a, mahse, judge comment atangin a dinhmun a derthawng thei deuh ang em? Zaninah a tan deuh a ngai dawn a nih hmel e.
Mipui vanga top 5-a tling, Zomuansanga’n “|hadang Nuimawi” tiin mipui a rawn awi ve leh thung a, fans thawm pawh a tha, top 7 intihsiak zanah che fuh lo zeuh mah se top 5 intihsiak zan khatnaah erawh a che tha viau e.
Remlalvuani’n “Di Lenna” tih hla a rawn dinchhuahpui ve thung a, a che chhe miah lo. Judge comment-ah thin tiphu thei deuh awm mah se a che chhe lo tak tak. Top 5 zan khatnaah chuan a che fuh pawlah a telh theih ang.
Emmanuel-a’n “I Chuai Ta Maw” a rawn ti ve thung a, a che chhe lo, mahse, chetha thang a ni a, top 5 intihsiak zankhatnaah hian zan dang aiin tlemin a chuai deuh em le a tih theih lek lek. Chutihrualin ani ‘chuai deuh’ kan tih pawh hi tute emaw tan chuan el tham fê a la ni tho tho!
Vanlalneihpuii’n a tawp khar nan ‘|henna Ram’ a rawn thawh chhuahpui a, Neihpuii fans nih zawng a thlamuanthlak thin khawp ang, a chesual duh lo pawh a ni lo, a chesual thei lo a ni deuh ber awm asin. A zai zawh rualin judge Hmingtea’n lukhum phawk a ding meuhin chibai a buk a, top 5 intihsiak zan khatnaah chuan a dinhmun a him ber a tih theih ang.