Taylor Swift ‘The Fate of Ophelia’ a lar leh ber

Taylor Swift ‘The Fate of Ophelia’ a lar leh ber
Taylor Swift hla hit ‘The Fate of Ophelia’ chu Billboard Global 200 chart-ah a No.1 a, a zawn lovin he chart-a kar nga a No.1-na a ni ta a, he chart-a Swift hla No.1 ni rei thei ber a la ni. Hetihrual hian Bruno Mars “I Just Might” pawh top 5-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
‘The Fate of Ophelia’ hian kar khat chhungin stream maktaduai 78.3 leh sales 17,000 a la nei thei a, hei hi a kar nga nan a No.1 pui leh ta a ni.
Djo “End of the Beginning” chu No.1 atangin No.2-ah a tawlh, chart kar 18 No.1 ni thei, KPop Demon Hunters soundtrack HUNTRIX “Golden” chu No.3-ah bawk a la awm.
Bruno Mars hla thar “I Just Might”-in stream maktaduai 60.2 leh sales 19,000 neiin, No.4-ah a debut a, he chart top 10-a Bruno Mars hla lang thei pangana a ni. He hla hi Mars album thar ‘The Romantic’ atanga lead single a ni.
Olivie Dean “Man I Need” chu No.4 atangin No.5-ah a tawlh ve ta bawk.
Billboard Global 200
Top 10:
1 The Fate Of Ophelia – Taylor Swift
2 End Of Beginning – Djo
3 Golden – HUNTR/X: EJAE, Audrey Nuna & REI AMI
4 I Just Might – Bruno Mars
5 Man I Need – Olivia Dean
6 Ordinary – Alex Warren
7 Where Is My Husband! – RAYE
8 Back To Friends – sombr
9 So Easy (To Fall In Love) – Olivia Dean
10 Die With A Smile – Lady Gaga & Bruno Mars