Term hmasaa MLA Fund-a lirthei lei ho Assembly kutah

Parliamentary Affairs minister Vanlalhlana chuan, MLA Local Area Development Fund hmanga lirthei lei chu a leitu MLA term a tawp hnuin a lei chhan mipui tan (public purpose) hman chhunzawm tur a ni tih a sawi.
Thawhtannia Assembly thutkhawma zawhna chhangin minister chuan, February 16-a Assembly General Purpose Committee thukhawm chuan MLAD Fund hmanga ruang phurhna tur lirthei an lei chu, an term a tawp hnu ah book value-in MLA emaw ex-MLA emaw in an khul thei a, an khul duh lo a nih chuan Assembly Secretariat-in sawrkar kal dan angin a tiral ang, tia thu tihtluk a ni tih a sawi.
GPC thuthlukna thar tihchhuah hmaa department khawiah emawa lirthei dahlet a a awm a nih pawhin GPC thu tihtluk dan hi circulate a nih tawh avangin Assembly Secretariat-in a tul anga a tihral tur a ni tih a sawi a ni.