Tha zual pathum zingah Joe Joyce – Clarke
BBC sport writter Frazer Clarke chuan palian champion Oleksandr Usyk kawnghren chuhpuitu tur Joe Joyce chu palian boxer tha pathum zingah a tel thu a sawi.
Briton Joe Joyce hian kum 2016 khan Olympic-ah Silver Medal a dawng a, hemi hnu hian professional boxing a luhchilh. Professional huangah inhnek vawi 15 hmachhawn tawhin tlawm a la nei lo. WBO interim champion ni mekin, kawnghren pathum kawl kawp mektu Usyk kawnghren chuhpui tura ruat lawk a ni. Usyk hian palian boxer tha bera ngaih Tyson Fury hmachhawn tum mah se inremna tluantling an neih theih loh vangin Joyce hi a hmachhawn ngei a ngai dawn niin a lang.
BBC-a Sport ziaktu Frazer Clarke chuan, “Joyce hi palian boxer tha zual pathum zingah a tel a, that dan indawtah Tyson Fury leh Oleksandr Usyk te hnungah a awm”, a ti. Clarke hian kawnghren WBC champion Tyson Fury chu palian boxer tha berah a ngai a. WBA, IBF leh WBO champion Oleksandr Usyk chu Fury dawttuah a dah. Pathumnaah Anthony Joshua emaw, Deontay Wilder emaw dah lo vin Joce a dah tlat thung.
Joe Joyce hian inrinni zing hian fiahna hautak a hmachhawn dawn a, London khawpuia Copper Box Arena-ah Zhilei Zhang nen an inhnek dawn.
Tha zual pathum zingah Joe Joyce – Clarke
Get real time updates directly on you device, subscribe now.